Universidade de São Paulo

|cidade=|país=|web=[https://www5.usp.br/#english www.usp.br]|fundación=1934}}A Universidade de São Paulo, (USP) é unha universidade pública no estado brasileiro de São Paulo. É a maior universidade pública brasileira e a institución educativa máis prestixiosa do país, varios anos a mellor universidade de Iberoamérica, e ten unha gran reputación entre as universidades mundiais, segundo o Times Higher Education World University Rankings. A USP participa na docencia, a investigación e a extensión universitaria en todas as áreas de coñecemento, ofrecendo unha ampla oferta de cursos.

A universidade foi fundada en 1934, reagrupando escolas xa existentes no estado de São Paulo, como a Faculdade de Direito do Largo de São Francisco (Facultade de Dereito), a Escola Politécnica da Universidade de São Paulo (Escola de Enxeñaría) e a Escola Superior de Agricultura Luiz de Queiroz (Enxeñaría Agrónoma). A fundación da universidade vén marcada pola creación en 1934 da Faculdade de Filosofía, Ciências e Letras (1934-1968), e posteriormente novos departamentos, converténdose nunha das maiores institucións de ensino superior de América Latina, con aproximadamente 90.000 estudantes matriculados. Actualmente, conta con once campus, catro deles na cidade de São Paulo. Os campus restantes están nas cidades de Bauru, Lorena, Piracicaba, Pirassununga, Ribeirão Preto e dúas en São Carlos.

Varios estudantes da Universidade de São Paulo acadaron postos importantes na sociedade brasileira. Foi alma máter de trece presidentes brasileiros (Cardoso, Temer, e outros). A USP ocupa o posto 19 en todo o mundo nunha clasificación baseada no número de exalumnos que se converteron en CEO das 500 empresas máis grandes do mundo, e tamén clasificado entre os 100 mellores a nivel mundial na Clasificación Universitaria de Empregabilidade Global.

En termos de investigación, a USP é a maior institución de investigación do Brasil, producindo máis do 25% dos artigos científicos publicados por investigadores brasileiros en conferencias e revistas de alta calidade. En 2015, de 36 materias, o QS World University Rankings clasificou a USP entre os 50 primeiros en varias materias (entre elas Arquitectura, Xeografía, Odontoloxía, Enxeñaría Civil, Agricultura/Silvicultura, Arte/Deseño e Ciencias Veterinarias) e Top100 en 21 materias máis (entre elas Informática, Enxeñaría Mecánica, Eléctrica e Química, Linguas Modernas, Física, Química e Matemáticas). Segundo o SCImago Institutions Raking 2021, a USP ocupou o posto 26 (vixésimo sexto) a nivel mundial no primeiro trimestre de 2021. Ao longo dos anos, QS tamén clasificou constantemente a USP entre as 5 mellores universidades do mundo de fala románica. Fornecido pela Wikipedia